სამუშაო გარემოს მოწყობა და Code Review-ს სისტემა

Code Review-ს გაკეთება მრავალნაირად შეიძლება. ერთ-ერთი მიდგომა რაც ვნახეთ, რომ ამართლებს და კარგ მოქნილ სისტემას წარმოადგენს არის Code Review გიტჰაბ იშუების საშუალებით.

ძირითადი სქემა ასეთია Reviewer ნახულობს კოდს, პოულობს ხარვეზს, გიტჰაბზე ქმნის issue-ს და დეველოპერი ასწორებს ხარვეზს.

Github Issues და Github Project

Github-ს უკვე ძალიან კარგი საშუალება აქვს task/project მენეჯმენტისთვის. ჩვენ Code Review-სთვის გამოვიყენებთ გიტჰაბის 2 ფუნქციონალს:

• Github Issues

• Github Project

Github Issue წარმოადგენს გასაკეთებელ საქმეს - ეგრედწოდებული თასქი. Issue შეიძლება იყოს სხვადასხვა ტიპის: ჩვეულებრივი თასქი, ბაგი და ა.შ. რომლის განსაზღვრაც ტეგებით შეგვიძლია.

Github Project კი საშუალებას გვაძლევს ზემოხსენებული Issue-ები დავაორგანიზოთ, ისე როგორც მაგალითად ჯირაში ან ასანაში შეგვიძლია.

რეპოზიტორიაში Github Project-ის შექმნა

რეპოზიტორიაში მოვნახოთ სექცია Project და გადავიდეთ ამ სექციაზე:

დავაიგნოროთ Projects ის ბეტა ვერსია და გადავიდეთ ძირითად Projects სექციაზე სადაც დაგვხვდება ღილაკი New Project:

დავაჭიროთ ღილაკს New Project, დავარქვათ პროექტს შესაბამისი სახელი. თემფლეითის არჩევა არ გვჭირდება. დავაჭიროთ ღილაკს Create Project :

შემდგომ გადავალთ პროექტის გვერდზე სადაც უნდა შევქმნათ სვეტები:

• To Do(გასაკეთებელი საქმე)

• In Progress(ამ მომენტში აკეთებს დეველოპერი)

• Ready4Testing(დეველოპერმა შეასრულა საქმე და ატვირთულია გიტჰაბზე)

• Done(Reviewer-მა გადახედა დეველოპერის გაკეთებულ საქმეს და გადაიტანა Done-ში)

ამჟამად ჩვენი გიტჰაბის პროექტი ასე გამოიყურება:

ასევე კარგი იქნება To Do-ს და Done-ს თუ დავუმატებთ გიტჰაბის მიერ მოწოდებულ ავტომატიზაციის მექანიზმებს:

• როდესაც Issue შეიქმნება და მიესადაგება პროექტი, მაშინათვე ჩავარდეს ეს Issue To Do ლისტში

• როდესაც Issue ჩაიხურება მაშინათვე გადავარდეს Done-ში

ვნახოთ To Do სვეტის პარამეტრები, დავაჭიროთ ღილაკს Manage Automation :

Preset-დან ავირჩიოთ To Do და მოვნიშნოთ Newly Added და Reopened ჩექბოქსები. შემდეგ კი დავაჭიროთ ღილაკს Update automation:

ახლა ვნახოთ Done სვეტის პარამეტრები. Preset-დან ავირჩიოთ Done და მოვნიშნოთ შექბოქსი closed, და შევინახოთ ცვლილებები:

Issue-ს დამატება

იმისათვის, რომ დავამატოთ Issue - გადავიდეთ რეპოზიტორიის Issues განყოფილებაზე და დავაჭიროთ ღილაკს new issue

ვნახავთ, რომ შეგვიძლია კონკრეტული ველები გავუწეროთ Issue-ს:

• სახელი

• აღწერა

• მივანიჭოთ დეველოპერს

• მივანიჭოთ პროექტი

• მივანიჭოთ Issue-ს ტეგი(ბაგი, გაუმჯობესება, დოკუმენტაცია და ა.შ.)

და კიდევ სხვა ველებიც.

აუცილებელია, რომ სახელი, დეველოპერზე მიბმა, პროექტზე მიბმა და ტეგი ჰქონდეს issue-ს, რომ გაურკვევლობა არ გამოიწვიოს და იკვეთებოდეს რა სახის Issue-ა

! პროექტი აუცილებელია, რომ issue-ს მიებას, რათა პროექტში ჩავარდეს To Do ლისტში. სხვა შემთხვევაში მხოლოდ issue-ების განყოფილებაში იქნება